BYD F0 e vehiculo numbero 1 den e segmento di autonan compacto

F0_exterior_15.jpg

ORANJESTAD - E compania di JD Power Associates, cual ta un compania global den "marketing research" a nombra e BYD F0 e vehiculo numbero uno (1) den e segmento di autonan compacto pa aña 2011.

E compania di JD Power Associates ta conoci mundialmente pa conduci encuestanan tocante e satisfaccion di e consumidor riba e calidad di autonan nobo.

Recientemente nan a publica un estudio haci riba e seguridad di vehiculonan pa aña 2011. E estudio a demostra cu desde aña 2010 e vehiculonan Chines nan calidad a aumenta enormemente y asina haci e espacio entre nan vehiculonan y esunan di estranhero mas chiquito.

F0_exterior_06.jpg

E marca di auto BYD no ta desconoci na Aruba. Durante aña 2011 e la haci su introduccion na nos isla y e la wordo acepta en grande. Garage Cordia como su representante y cu semper ta ofrece Aruba vehiculo y productonan di calidad, sigur lo ta orguyoso cu e logro aki di e BYD F0.

E aña aki BYD ta cumpli su prome aniversario na Aruba y sigur lo tin hopi sorpresa. No lubida cu esaki ta un auto economico pa su prijs, pero tambe ta gasta menos gasolin y tin diferente modelo pa complace un y tur. Asina aki Garage Cordia kier a felicita un y tur cu ta conduci un BYD y seguramente un modelo FO. BYD Auto, Build Your Dreams.

F0_exterior_07.jpg